Energia-auditoriak

Zer dira energia-auditoriak?

Auditoriak enpresaren energia-kontsumoa modu fidagarrian ezagutzeko prozesu sistematikoak dira. Horiei esker, kontsumoan parte hartzen duten faktoreak antzeman daitezke, baita errentagarritasunaren araberako aurrezki-aukerak identifikatu eta aztertu ere.

Hauek dira lortu daitezkeen abantailak:

• Energiaren kontsumoa optimizatzen da, hots, kostuak nabarmen murrizten dira.
• Ekipoen bizi-iraupena luzatzen da. Izan ere, ekipoek baldintza egokietan lan egiten dute, gehiegizko kargarik edota dimentsionamendurik gabe.
• Ekoizpenaren kostuak murrizten direnez, enpresaren lehiakortasuna hobetzen da.
• Ingurunea zaintzen da, izan ere, beharrezkoa den energia soilik kontsumituta CO2-aren isuria gutxitzen da, bai instalazioetan eta bai kontsumitutako elektrizitatearen ekoizpenean ere. Horri guztiari esker, beroketa globala saihesten da eta enpresaren irudia hobetzen da gizartearen ongizatearen aldeko lana egiteagatik.